• مناقشة عامة

  • اترك رابط الموقع الخاص بك واحصل على نصائح وتقييم لموقعك

السلام عليكم، أود مشاركة هذا المنشور معكم، كنت دايما انشر هذا المنشور على المجموعة الخاصة بي على الفيسبوك وهي مجموعة كبيرة جدا تعتبر من أكثر المجتمعات المؤثرة على الفيسبوك، ولكن للأسف وبعد غلق المجموعة لم أتمكن من تكرار هذه المبادرة مرة آخرى.. لذلك وددتُ أن ابدأها مرة آخرى معكم..

اترك رابط موقعك الإلكتروني وسأقوم بتقييمه وإعطائك تصائح لتطوير موقعك من حيث التصميم والمشاكل التقنية وغيره..

    negm
    بص ركز معايا عشان موقعك جميل ومحتاج بس شوية لمسات بسيطة...

    1. استخدم فونت واحد بس في الموقع كله خصوصا لو بتتكلم على خط الـbody مينفعش يكون مختلف. ممكن تستخدم خطين واحد للـbody والتاني للـheading.
    2. حاول تخلي الألوان مش فقعة اوي يعني مش Saturated عشان تكون مريحة للعين.
    3. اعتمد على المساحات البيضاء او الأبيض المطفي، وابعد عن الرمادي الفاتح اللي موجود في قسم المنتجات.
    4. في قسم ليه تشتري من رومكي الايقونات لازم يكون ليها خلفية بحيث تتحط في مربع كدا عشان متكنش قاطعة البوكس بتاع الكلام اللي تحتها.
    5. الـdrop menu واسع اوي واخد width غير مبرر، حاول تخليه على اده او اكبر منه حاجة بسيطة اوي.

    عموما دول اللي ممكن اقولهم حاليا وطبعا فيه تاني بس خلصهم وابقى بلغني اراجعه تاني.

        Tatwer.net

        انت بتقدم خدمات تصميم المواقع، اتوقع لازم يكون موقعك الرئيسي احترافي بحيث يكون طابع في ذهن العميل بشكل تلقائي انه هياخد شيء احترافي. مش عايز اديك امثلة عشان ميكنش اعلان، لكن خليني اديك شوية اقتراحات.

        1. اللوجو شكلة كبير اوي فكرته في الاول بانر اعلاني، الموقع تصميمه قديم اوي زي المواقع بتاعت زمان.
        2. قسم خدماتنا ممتاز جدا.
        3. المنيو مكتوب 1- الرئيسية ، المفروض ميكنش فيه ارقام.
        4. الdrop menu اللي في المقالات فاضية.

        ظبط الحاجات دي وارجعلي ابص على باقي الصفحات

          moamen

          بصراحة موقع جميل اوي.. الموقع مفهوش اى اخطاء اقدر اعلق عليها يعني مفيش نصائح، لكن ممكن اديلك افكار للتطوير.

          1. في الرئيسية زرار المزيد مش باين خالص خصوصا وانا بسكرول، حاول تخليه بلون مميز بحيث وانا بنزل اعرف ان فيه هنا نهاية القسم وان دا زر المزيد.
          2. الموقع مدونة اخبارية هيكون لطيف اوي لو اظهرت عدد مشاهدين المقال.
          3. ممكن تضيف Dark mode button هيكون لطيف.
          4. ممكن في ال sidebar اللي في الرئيسية تحط ال main categories مثلا.

          وبالتوفيق يا رب.

              Mohamed

              أهم حاجة عندي لما ادخل اي موقع عيني ترتاح اثناء ما انا بشوف كل قسم والتاني، الهيدر هنا انا شايفه داخل على ال hero section. خليني اديك بعض الاقتراحات

              1. لوحة التحكم متكنش في المنيو خليها تسجيل الدخول وانشاء حساب فقط.
              2. ضيف زراير تانية زي جميع الكورسات في المنيو.
              3. الروابط اللي في الهيدر مش شغالة.

              اعتقد ان المنصة لسا مش مكتملة، افضل انك تكملها وبعدين تبعتلي اقولك رأيي.

                Ahmed01

                استخدام الpadding في الموقع مش أفضل حاجة. والbox shadow نفس الكلام مش افضل حاجة.

                1. مثلا في about us عنوان الour motto المفروض يبقى فيه مسافات فوق وتحت.
                2. في الرئيسية explore our service برضو مش مظبوطة.
                3. نفس السكشن دا انصح بعمل dark box على كل column لسهولة القراءة.
                4. قسم export incentive الbox shadow مش مريح للعين.

                  hassona

                  1. فيه بعض الكلمات الانجليزية محتاجة لترجمة.
                  2. الfont في الtop bar وال off canvas menu مش نفس الفونت بتاع الموقع.
                  3. المنيو مفهوش غير الرئيسية واخبار فقط ضيف بيانات تانية.
                  4. ال sidebar حطله border على اليمين عشان تفصله على المحتوى الرئيسي.