اترك رابط الموقع الخاص بك واحصل على نصائح وتقييم لموقعك

Tatwer.net

انت بتقدم خدمات تصميم المواقع، اتوقع لازم يكون موقعك الرئيسي احترافي بحيث يكون طابع في ذهن العميل بشكل تلقائي انه هياخد شيء احترافي. مش عايز اديك امثلة عشان ميكنش اعلان، لكن خليني اديك شوية اقتراحات.

1. اللوجو شكلة كبير اوي فكرته في الاول بانر اعلاني، الموقع تصميمه قديم اوي زي المواقع بتاعت زمان.
2. قسم خدماتنا ممتاز جدا.
3. المنيو مكتوب 1- الرئيسية ، المفروض ميكنش فيه ارقام.
4. الdrop menu اللي في المقالات فاضية.

ظبط الحاجات دي وارجعلي ابص على باقي الصفحات

moamen

بصراحة موقع جميل اوي.. الموقع مفهوش اى اخطاء اقدر اعلق عليها يعني مفيش نصائح، لكن ممكن اديلك افكار للتطوير.

1. في الرئيسية زرار المزيد مش باين خالص خصوصا وانا بسكرول، حاول تخليه بلون مميز بحيث وانا بنزل اعرف ان فيه هنا نهاية القسم وان دا زر المزيد.
2. الموقع مدونة اخبارية هيكون لطيف اوي لو اظهرت عدد مشاهدين المقال.
3. ممكن تضيف Dark mode button هيكون لطيف.
4. ممكن في ال sidebar اللي في الرئيسية تحط ال main categories مثلا.

وبالتوفيق يا رب.

Mohamed

أهم حاجة عندي لما ادخل اي موقع عيني ترتاح اثناء ما انا بشوف كل قسم والتاني، الهيدر هنا انا شايفه داخل على ال hero section. خليني اديك بعض الاقتراحات

1. لوحة التحكم متكنش في المنيو خليها تسجيل الدخول وانشاء حساب فقط.
2. ضيف زراير تانية زي جميع الكورسات في المنيو.
3. الروابط اللي في الهيدر مش شغالة.

اعتقد ان المنصة لسا مش مكتملة، افضل انك تكملها وبعدين تبعتلي اقولك رأيي.

Ahmed01

استخدام الpadding في الموقع مش أفضل حاجة. والbox shadow نفس الكلام مش افضل حاجة.

1. مثلا في about us عنوان الour motto المفروض يبقى فيه مسافات فوق وتحت.
2. في الرئيسية explore our service برضو مش مظبوطة.
3. نفس السكشن دا انصح بعمل dark box على كل column لسهولة القراءة.
4. قسم export incentive الbox shadow مش مريح للعين.

hassona

1. فيه بعض الكلمات الانجليزية محتاجة لترجمة.
2. الfont في الtop bar وال off canvas menu مش نفس الفونت بتاع الموقع.
3. المنيو مفهوش غير الرئيسية واخبار فقط ضيف بيانات تانية.
4. ال sidebar حطله border على اليمين عشان تفصله على المحتوى الرئيسي.

Eslam Rozaik

استأذنك كفاية رابط واحد عشان أقدر ارد على باقي الناس، اختر واحد منهم

G90g الموقع بشكل عام محتاج منك تعمل تغذية بصرية لانه بعيد عن السوق وباقي المواقع الاحترافية إليك بعض النصائح:

1. قم بإضافة منيو للموقع ضروري جدا لسهولة التنقل.
2. قم باظهار التصنيفات في المنيو والsidebar.
3. قم بعمل لوجو للموقع واختر الالوان المناسبة.
4. قم بتطبيق نوع خط بدلا من الافتراضي الخاص بالمتصفح (Tajawal) على سبيل المثال.
5. قم بتذية الsidebar اكثر من ما هو عليه الان (ضيف تصنيفات اكثر ضيف مقالات رائجة وتظهر بالصور).

ahmed1hamdy
صراحة موقع جميل وبسيط وممتاز، إليك بعض الملاحظات البسيطة:

1. في قسم لماذا تختار شركة أركان الشامل؟ قم باصلاح الصورة التي لا تظهر.

بس كدا مفيش اي ملاحظات تاني الموقع 10/10 واشكر احمد حمدي المطور تسلم ايده

Mohamed Hatem

وعليكم السلام، موقع جميل اوي ومتناسق، فيه بعض الملاحظات اللي مخلية الموقع نوعا ما فيه اخطاء مش لطيفة، ملاحظاتي:

1. الشعار مش واضح في الموقع نظرا لتداخل الالوان.
2. ضيف نوع خط للموقع عشان يكون جميل.
3. في قسم ال hero فيه bottom divider على شكل امواج شيلها لانها مش حلوة خالص.
4. روابط السوشيال مش شغالة.
5. البورتفوليو هيكون افضل لو 3 مشاريع في الصف الواحد.

Amhamh

1. لاحظ البانر هنا كبير جدا ودا مش حلو لازم يكون ارتفاعه قليل مراعاة للـscroll زي امازون وجوميا ونون وغيرها
2. لاحظ ايضا زر قراءة المزيد داخل على نقط الpagination.
3. قسم اراء العملاء يفضل يكون ظاهر 3 او 4 جنب بعض لان الكلام قصير مش حلو انه يكون واخد عرض القسم بالكامل.
4. الفوتر محتاج اضافة شوية بيانات وصفحات زي السياسات والسوشيال ميديا مثلا