saad566 ويفتح معاي عالكمبيوتر بالجديد
بما انه بيفتح معاك على الكمبيوتر صح وعلى الموبايل بيفتح النسخة القديمة، فده معناه ان الموبايل بيعرض نسخة موقعك من الكاش.
الكاش ده أسلوب عمل معمول عشان يسرع فتح المواقع، بيتم تخزين نسخة من موقعك على الجهاز (الموبايل أو الكمبيوتر) بحيث لما المستخدم يجي يفتح الموقع يفتح من نسخة الكاش أسرع من النسخة الحقيقية.
الكاش ده مستويات، ممكن يكون عندك معمول بإضافة داخل لوحة التحكم فهنا روح للإضافة المسؤولة عن الكاش واحذف كامل الكاش من عندك. وممكن يكون معمول من السيرفر فهنا مطلوب تروح للسيرفر أو الاستضافة وتمسح الكاش من عليها.
كمان ممكن تمسح الكاش من موبايلك أو تتصفح موقعك من نسخة متصفح الـ incognito (موجودة في كل المتصفحات) لأنها بتخليك تتصفح الموقع بدون كاش.
عشان تفتح نسخة الـ incognito من موبايل من متصفح كروم هتلاقي 3 نقاط فوق بعض فوق ناحية اليمين أو الشمال حسب لغة الكروم عندك، المهم لما تضغط عليهم اختار من القائمة NEW Incognito وجرب تفتح موقعك وشوف هيظهر ازاي
